Нашата ординација има склучено договор со Фондот за здравствено осигурување на Р. Северна Македонија.
Ултразвукот на срцето или ехокардиограм претставува неинвазивен начин да се погледне колку добро функционира срцето. Може да се користи самостојно или заедно со стрес тест. Ултразвукот на срцето може да се користи за: одредување на големината и дебелината на срцето и неговите комори, оценување на протокот на крв низ срцето, проценување на пумпната сила на срцето, проценка на состојбата на срцевите залистоци, преглед на главните крвни садови и др.
Тироидната или штитната жлезда е важна за предукција на хормони кои ни го регулираат метаболизмот, работата на срцето и дигестивниот тракт, расположението и мотивацијата. Преку ултразвукот на штитната жлезда можат да се видат структурни промени кое се мали и не можат да се напипаат или видат однадвор. Се дијагностицираат промени како цисти, фибрози, нодули, аденоми, хипертиреоза, Хашимотов тироидит и др, и се следат состојби по целосно или парцијално отстранување на тироидната жлезда.
Ова е обемен преглед на стомакот во кој се прегледуваат структурните, функционалните и васкуларните карактеристики на органите во абдоменот. Органите кои се прелгедуваат се: црниот дроб, жолчката, слезената, бубрезите, панкреасот, мочниот меур и простатата. Заболувањата кои можат да се откријат со ултразвукот на абдоменот се многубројни, но некои од нив се: цироза на црн дроб, апцеси на црн дроб, камења во жолчка, тумори на црн дроб, цисти на бубрези, камења во бубрези, тумор на бубрези, панкреатити, инфекции на мочен меур, тумори на мочен меур, зголемување на простата, итн.
Со оваа метода се испитува проодноста, формата и интактонста на артериите и вените на телото. Се дијагностицираат васкуларни болести на ектремитетите (раце и нозе), варикозни вени, длабока венска тромбоза. Тука влегува и ехо преглед на каротидите.
Стрес-ехокардиографијата е тест кој користи ултразвучно снимање - ЕХО за да покаже колку добро вашиот срцев мускул работи за да пумпа крв во вашето тело. Најчесто се користи за откривање на намален проток на крв во срцето и неправилности во кинетиката на срцевиот мускул предизвикани од стеснување во коронарните артерии.
Стрес-ехокардиографијата е многу сигурна и сензитивна метода бидејќи комбинира и стрес тест и ЕХО на срце. Нашиот лекар ќе ви ги објасни резултатите од тестот. Ако резултатите се нормални, вашето срце работи правилно и вашите крвни садови веројатно не се блокирани поради коронарна артериска болест.
Абнормалните резултати од тестот може да значат дека вашето срце не пумпа крв ефикасно бидејќи има блокада во вашите крвни садови. Друга причина може да биде тоа што срцев удар го оштетил вашето срце.
